Referal havolalar yangilanishi

Referal havolalar — arbitrajdagi asosiy vositalardan biri bo'lib, trafik va foyda bevosita ularga bog'liq. 1win hamkorlik dasturida havolalarning barqaror ishlashini ta'minlash uchun turli domenlardan foydalaniladi va zarurat tug'ilganda ular almashtirib turiladi. Ushbu maqolada biz referal havolasining ishlash muddatini qanday uzaytirish, uni qanday niqoblash va zarurat tug'ilganda tezkorlik bilan almashtirish haqida so'z yuritamiz.

Blokirovkalarni chetlab o'tish

Havola bloklangan taqdirda, hamkorlik dasturi saytidagi chatda uni almashtirish haqida bildirishnoma keladi.

Bildirishnomani shaxsiy kabinetda, ekranning pastki o'ng burchagidagi konvert tasviri tushirilgan belgini bosish orqali qo'llab-quvvatlash xizmati bilan bo'lgan chatdan topishingiz mumkin.

Trafik barqarorligini ta'minlash uchun bloklangan havolani tezkorlik bilan almashtirish va uni havolalarni qisqartiruvchi servislar yoki mikrolending yordamida niqoblash lozim — bu moderatsiyaga tushib qolish xavfini kamaytiradi va havolaning ishlash muddatini sezilarli darajada uzaytiradi.

Havolalarni qisqartirish

Referal havolasini hamkorlik dasturi saytidagi shaxsiy kabinetda qisqartirish mumkin — tegishli tugma havolani yaratish va sozlash menyusida mavjud.

Hamkor dasturidagi shaxsiy kabinet orqali qisqartirilgan havolalar barcha kerakli parametrlarni, jumladan, hamkor xeshi, Direct va Sub'ni saqlab qoladi.

Mikrolendinglar

Mikrolendinglar barcha havolalar ro'yxati joylashgan tashqi veb-sahifa yaratish imkonini beradi va shu orqali ularni bandan asraydi. Ijtimoiy tarmoqlarning avtomatik moderatsiyasi platformadan tashqaridagi havolalarni bloklay olmaydi va hatto shikoyatlar tushgan taqdirda ham faqat mikrolending domenini ban qiladi. Hamkorlik havolasi esa bunda tegilmagan bo'ladi.

Linktree

Qanday foydalaniladi:

1. Linktr.ee saytida ro'yxatdan o'tamiz.

2. Linktr.ee asosiy ekranida Add link tugmasini bosamiz.

3. Paydo bo'lgan satrga havolani joylashtiramiz va Add tugmasini bosamiz.

4. Havola profilning umumiy panelida paydo bo'ladi. Zarurat tug'ilganda bu yerga turli lendinglarga ega bo'lgan istalgan miqdordagi havolalarni qo'shish mumkin.

5. Havolalar bo'limida o'zgarishlar kiritish, ularning nomlari va vizual ko'rinishini sozlash mumkin. Yaxshiroq konversiya uchun havolaga qo'shimcha ravishda rasmlardan foydalanish mumkin. Buning uchun Thumbnail tugmasini bosamiz va mos keladigan rasmni yuklaymiz. Kompaniya logotipidan yoki mavjud kreativlardan biridan foydalanish eng yaxshi yechimdir.

6. Havola joylashtirishga tayyor: Share tugmasini bosamiz va uni ochilgan oynadan nusxalab olamiz.

Heylink

Qanday foydalaniladi:

1. Servis moderatsiyasi cheklovlari sababli, referal havolani yuqorida aytib o'tilgan servislar yordamida oldindan qisqartirib olamiz.
2. Heylink.me saytida akkaunt yaratamiz. Buni Google hisobi yoki Facebook orqali amalga oshirish mumkin.

3. Links bo'limiga kiramiz. Ochilgan oynada havolani kiritamiz va +Add New Link tugmasini bosamiz.

4. Havola qo'shilgandan so'ng, u umumiy ro'yxatda paydo bo'ladi. O'ng tomondagi interaktiv panelda uning vizual ko'rinishini ko'rishimiz mumkin.

5. Hamkor avatarkasi tepasidagi Share tugmasini bosamiz va tayyor havolani nusxalab olamiz.

Tap.bio

Qanday foydalaniladi:

1. Tap.bio saytida yoki ilovasida akkaunt yaratamiz. Foydalanuvchi nomini o'ylab topamiz va e-mail manzilini kiritamiz — unga kirish uchun kod yuboriladi.

2. Profil dizaynini sozlaymiz: mavjud kreativlar ichidan fon uchun rasm tanlaymiz va zarurat bo'lsa, filtr o'rnatamiz.

3. Asosiy menyuda Links bo'limini tanlaymiz.

4. Ochilgan oynada havola qanday ko'rinishi kerak bo'lsa, o'sha nomni kiritamiz. Pastda havolaning o'zini joylashtiramiz va Save tugmasini bosamiz. 

5. Ochilgan menyuda hamkor ro'yxatidagi havolaning o'rnini tahrirlash, uning ko'rinishini, shriftini va satr rangini o'zgartirish mumkin. Tahrirlash yakunlangach, yuqori o'ng burchakdagi Save tugmasini bosamiz.

6. Profil tugmasini bosamiz va sozlamalar ro'yxatidan Your Cards bandini tanlaymiz.

1. Ochilgan oynada Profile va Friend of TapBio opsiyalarini topamiz va ularning ro'parasida «Ko'rsatilmasin» tugmasini tanlaymiz. Agar buni amalga oshirmasak, havola orqali o'tganda o'yinchilar ilovaning reklama sahifasini, shuningdek, hamkorning shaxsiy profilini ham ko'rib qolishadi. Yakunlagach, profil sozlamalariga qaytamiz.  

8. Profil sozlamalarida Copy Profile Link bandini tanlaymiz — reklama uchun tayyor havola avtomatik ravishda almashish buferiga nusxalanadi.

Tayyor. Nomini o'zgartirish va mikrolending yaratish orqali biz hamkorlik havolasi bloklanishi ehtimolini kamaytirdik. Ishingizga muvaffaqiyat va yaxshi trafik tilayman!